Ministrja e Shëndetësisë dhe Mbrojtjes Sociale, Ogerta Manastirliu prej ditësh ka dalë me deklarata se 30 qershori do të jetë datë zgjedhjesh.
Edhe pas dekretit te ri të presidentit, ku thuhet se 13 tetori do jetë data e zgjedhjeve vendore, Manastirliu ka forcuar edhe një herë bindjet e saj.
“Në 30 qershor do të votohet!”- dekalaron ministrja.
Sipas saj do votohet, pasi qytetarët shqiptarë duan paqe dhe zhvillim për vendin si dhe do duhet të zgjedhin përfaqësuesit lokalë.
“Do të votohet sepse qytetarët shqiptarë duan paqe dhe zhvillim për vendin ku kemi vendosur të jetojmë, jo zjarr, kaos dhe shkatërrim.”– shkruan Manastirliu në rrjetet sociale.
Statusi i plotë i Ministres Manastirliu:
Në 30 qershor do të votohet!
Do të votohet sepse qytetarët shqiptarë do të zgjedhin përfaqësuesit lokalë, të cilët do të qeverisin bashkitë e tyre për 4 vitet e ardhshme!
Do të votohet sepse qytetarët shqiptarë e duan vërtetë Shqipërinë si gjithë Evropa. Dhe në Evropë qytetarët votojnë, ndërsa politikanët nuk i fshihen zgjedhjeve dhe ballafaqimit me qytetarët!
Do të votohet sepse unë, ti, të gjithë qytetarët shqiptarë kemi vendosur t’i rrisim fëmijët tanë në këtë vend!
Do të votohet sepse qytetarët shqiptarë duan paqe dhe zhvillim për vendin ku kemi vendosur të jetojmë, jo zjarr, kaos dhe shkatërrim.
Në 30 qershor do të votohet, sepse shqiptarët do të ndahen një herë e përgjithmonë nga ajo politikë, që në 3 dekada ka dashur të mbjellë urrejtje dhe përçarje.
Në 30 qershor do të votohet dhe qytetarët shqiptarë do të zgjedhin Shqipërinë Europiane!/l.m
