Ditën e sotme është ndarë nga jeta kirurgja e parë grua në Shqipëri, Dr. Rushen Golemi.
Lajmin e bën të ditur ministrja e Shëndetësisë dhe Mbrojtjes Sociale, Ogerta Manastirliu, e cila me anë të një postimi të ndjerë në Facebook ka shprehur vlerësimet më të larta për të ndjerën doktoreshë Golemin.
Manastirliu duke vlerësuar figurën e Golemit shkruan se ajo ja doli në gjithçka. “Jo të gjithë mund të bejnë gjithçka, por dr. Rushen Golemi, kirurgja e parë grua në Shqipëri, ia doli të bënte mirë çdo gjë në jetë, si nënë, bashkëshorte, grua, mjeke dhe humaniste.”, shkruan Manastirliu.
Ministrja e mbyll mesazhin e saj duke e cilësuar Golemin si një model frymëzimi për gratë dhe vajzat.
“Model frymëzues për të gjitha vajzat dhe gratë!
U prehsh në paqe!🙏🏼“, mbyll mesazhin e saj ministrja teksa poston një foto me doktoreshën që la pas emrin e madh dhe modelin e përkushtimit ndaj profesionit human të mjekut.
