Një person u plagos me mjet prerës pasditen e sotme në Maliq.
Ngjarja ka ndodhur në fshatin Rrëmbec, ku shtetasi Artan Hajredini së bashku me të birin janë konfliktuar me Juli Torren dhe më pas e kanë goditur këtë të fundit me gërshërë në pjesën e barkut.
Torre është transportuar drejt spitalit për mjekim nga ku mësohet se ka marrë plagë të lehta dhe ndodhet jashtë rrezikut për jetën.
Policia ka shoqëruar në komisariat babë e bir të dyshuar për plagosjen.
Mësohet se i plagosuri dhe autorët janë të tre të komunitetit egjiptian.
