Një person ka humbur jetën si pasojë e kontaktit me rrymën elektrike. Policia njofton zyrtarisht se ngjarja ka ndodhur sot rreth orës 18:30, në Kelmend, Malësi e Madhe.
Aty një shtetas ka rënë në kontakt me energjinë elektrike dhe për pasojë ka humbur jetën.
Menjëherë në vendngjarje ka mbërritur grupi hetimor që ka konstatuar se shtetasi Leke Volaj, 56 vjeç, kishte hipur në shtyllën elektrike me inisiativën e tij për të bërë ndërhyrje në rrjet pasi kishte probleme me dritat, shkruan Panorama. Grupi hetimor në vendngjarje për veprime të mëtejshme.
