Dy gra kanë mbetur të lënduara në një aksident të rëndë rrugor. Ngjarja ndodhi pasditen e sotme në aksin rrugor Fier-Patos.
Në aksident janë përfshirë dy makina, një Volsvagen me drejtues shtetasin M.M, 30 vjeç, me një makinë tjetër “Benz”, i cili drejtohej nga një 25-vjeçar me inicialet A.G.
Pas përplasjes janë lënduar dy gra, njëra 77-vjeçe, me inicialet E.M, dhe 52-vjeçarja D.M.
Makina me pasagjeret ka dalë nga rruga dhe për pasojë përfundoi e përmbysur në kanal, duke lënë të lënduar edhe dy gra.
Mësohet se shkak është bërë parakalimi i gabuar i një Benzit, dhe shoferi i automjetit tjetër ka devijuar për të shmangur përplasjen.
Gjithsesi, edhe pas kësaj manovre nuk është shmangur përplasja mes makinave.
Gratë janë dërguar në spitalin e Fierit për të marrë shërbimin shëndetësor, ndërsa Noa.al ka mësuar se për momentin janë jashtë rrezikut për jetën.
/a.r
