Polici e Tiranës ka njoftuar se mbrëmjen e djeshme rreth orës 21:40 në rrugën “Muhamet Deliu” në Tiranë, një makinë e drejtuar nga një femër ka marrë flakë.
Fatmirësisht nuk ka viktima, pasi vajza ka dal me shpejtësi nga makina, ndërsa janë dëmtuar 3 automjete të tjera.
Nga verifikimet paraprake, ka rezultuar se automjeti tip “Ford”, me drejtuese shtetasen B.M., në ecje e sipër ka marrë flakë në pjesën e kroskotit, për shkaqe ende të pa ditura. Nga flakët janë dëmtuar 3 makina të tjera, 2 “Benz” dhe 1 “Ford”.
E ndërsa grupi hetimor po vazhdon punën për zbardhjen e plotë të shkaqeve të ngjarjes.
a.ç
