Dy persona u plagosën në një aksident rrugor mëngjesin e sotëm në aksin Vau Dejës-Pukë.
Sipas policisë, në fshatin Çafë-Laç, mjeti tip Volkswagen me drejtues F. M. 52 vjeç, banues në Pukë është përplasur me motorin tip Shineray, për pasojë kanë mbetur të dëmtuar drejtuesi dhe pasagjeri i motorit, G. A. rreth 60 vjeç dhe V. L. 52 vjeçe, të cilët u dërguan në spitalin rajonal Shkodër, nën kujdesin e mjekëve.
Drejtuesi i mjetit F. M. është shoqëruar në polici. Në vendngjarje po kryhen veprimet me grup hetimor për sqarimin e rrethanave të aksidentit. Dje u plagosën 15 persona nga aksidentet në 6 qytete, 8 janë në gjendje rëndë te ‘Trauma’ në Tiranë.
/a.r
