Makina sportive e tipit Aston Martin, nga filmi Spectre i James Bond-it, është shituar për 3.5 milionë dollarë. Ajo është shitur në shtëpinë e ankandeve Christie’s në Londër. Edhe 14 artikuj të tjerë nga filmi Spectre vazhdojnë të mbeten në ankand online deri të martën e ardhshme. Makina milionëshe është ajo me të cilën James Bond është hedhur në Lumin Tiber në Romë, në filmin Spectre. Rolin e agjentit 007 në këtë film e ka luajtur aktori Daniel Craig.
