Dalin në dritë të tjera detaje lidhur me mjetin që iu vu zjarri në qytetin e Fierit, pranë shinave të trenit.
Brenda makinës u gjet një kallashnikov dhe karikator plot me fishekë. Policia raporton se makina u përdor në një atentat që fatmirësisht përfundoi pa pasoja.
Banorët e zonës kanë raportuar për të shtëna pasi mjetit targa greke, YNK 1329 iu vu flaka.
“Në datën 11.04.2018, rreth orës 11:45 në lagjen “8 Shkurti” Fier, nga një automjet tip “Reno” është qëlluar me armë zjarri në drejtim të lokalit të shtetasit A.B. Nga të shtënat nuk ka persona të lënduar por vetëm dëme materiale ku janë thyer xhamat e lokalit. Makina është larguar në drejtim të Semanit dhe rreth orës 11:50 është gjetur e djegur në lagjen “15 Tetori” Fier”, raporton policia.
Në brendësi të makinës është gjetur një armë kallashnikov dhe një karikator.
Forcat policore po krehin zonën me qëllim kapjen e autorëve.
Ndërko grupi hetimor po punon intensivisht për identifikimin e autorëve si dhe zbardhjen e plotë të rrethanave të ngjarjes./a.m.
