Prokuroria e Posaçme Kundër Krimit të organizuar dhe Korrupsionit pritet t’i drejtohet Gjykatës së Posaçme me kërkesën e parë për sekuestro në lidhje me operacionin Forca e ligjit.
Një nga personat që i është përgjigjur kërkesës më shkrim mbi pasurinë është Lulzim Berisha. Sipas hetuesve ka rezultuar se Berisha nuk justifikon një makinë të blinduar qe disponon dhe për këtë arsye SPAK pritet t’i kërkojë gjykatës sekuestrimin e saj.
Berisha pretendon se mjeti është blerë 10 milionë lekë të vjetra dhe të ardhurat janë siguruar nga bizneset e tij të ligjshme. Ai është vënë në shënjestrën e OFL pasi ka qenë dënuar me 25 vite heqje lirie, si drejtuesi bandës së Durrësit.
Në formularin që Berisha plotësoi pas kërkesës së OFL-së ka deklaruar se,nuk ka asnjë pasuri të paluajtshme, për shkak se ato i janë konfiskuar nga shteti me vendim gjykatë në 2010.
Gjithashtu ka treguar se zotëron një bar kafe me qira, 2 autobote që furnizon me karburant anijet e peshikimit dhe 40% të aksioneve të një kompanie që ka në bashkëpronësi me motrën e tij.
SPAK pritet të dorëzojë në gjykatë edhe kërkesën për sekuestro të kompleksit “Golden” të Altin Hajrit, i shpallur në kërkim si një nga autorët e pengmarrjes dhe vrasjes së Jan Prengës. Afati i dorëzimit të kësaj dosje në gjykate skadon këtë javë.
