Një aksident automobilistik ka rezultuar fatal për tre të rinj në Gosë të Kavajës. Burime nga vendngjarja bëjnë me dije se një automjet ngjyrë blu është gjetur në kanalin me ujë buzë rrugës nacionae, ndërsa banorët kanë njoftuar forcat e rendit.
Policia njofton se aksidenti ka ndodhur rreth orës 7 të mëngjesit ku të vdekur kanë mbetur tre shtetasit, V.K 27 vjeç, M.K 32 vjeç dhe M.C 22 vjec. Ata udhëtonin me automjetin Volksëagen Golf 4 me targa AA 958 HY. Polombarët e RENEA-s kanë bërë kërkime në kanal pasi fillimisht dyshohej për një viktimë të katërt, por policia konfirmon se bilanci i viktimave nuk pritet të rritet.
Nga hetimet e para mësohet se shkak i aksidentit është bërë shpejtësia e lartë e mjetit çka ka sjellë edhe humbjen e kontrollit nga shtetasit V.K dhe devijimin në kanali anësor të rrugës Kavajë-Rrogozhinë.
