Përbërësit:
20 conchiglioni (lloj makaronash, guacka të mëdha)
600 g patllëxhanë
400 g salcë domate
2 thelbinj hudhër
Borzilok
Vaj ulliri
Kripë dhe piper
Përgatitja:
Në një tigan të thellë hedhim pak vaj dhe një thelbi hudhër.Pasi të jenë skuqur pak, heqim hudhrën nga tigani dhe hedhim salcën e domateve me pak kripë. E lemë të ziejë për rreth 20 minuta. Ndërkohë në një tjetër enë hedhim pak vaj dhe thelbinë tjetër të hudhrës. E skuqim për pak sekonda dhe më pas e heqim nga tigani. Shtojmë patëllxhanët të cilët i kemi prerë më parë në kubikë të vegjël. Shtojmë pak kripë dhe më pas i mbulojmë me kapak. I lemë në zjarr për rreth 20 minuta derisa patëllxhanët të jenë zbutur. Më pas i vendosim në mikser duke i shtuar pak piper dhe borzilok. I përziejmë dërisa të bëhet një masë kremoze. Ziejmë makaronat dhe më pas i mbushim me kremin e patllëxhanëve. Në pjatën që do të servirim makaronat e mbushura, vendosim fillimisht salcën e domateve, shtojmë lart 4 guaska të mbushura të cilat i zbukurojmë me një gjethe borzilok.
