Kjo është receta për të bërë makarona në një variant tjetër nga ai që jemi mësuar.
Përbërësit:
▪ 320 g makarona me forma
▪ 40 djathë i fortë deleje
▪ 30 kikirikë
▪ 500 g kunguj
▪ 3 qepë të vogla
▪ 200 g djathë i përzier lope dhe dhie
▪ 1 tufë borzilok
▪ vaj ulliri
▪ kripë dhe piper
Përgatitja:
Fillimisht presim në feta të holla kungujt. Në një tigan hedhim katër lugë vaj dhe skuqim deri sa të marrë ngjyrë qepën, të cilën e kemi prerë hollë.
Pasi të ketë marrë ngjyrë shtojmë kungujt, kripë, piper dhe i lemë të skuqen në zjarr të mesëm për rreth 7-8 minuta.
Në një mikser hedhim gjethet e borzilokut dhe 2/3 e kungujve. Shtojmë gjysmën dy djathërave. E përziejmë masën në mikser derisa të krijojmë një masë homogjene.
Ziejmë makaronat në ujë të kripur. Pasi t’i kemi kulluar, shtojmë salcën e përgatitur, pak vaj dhe pjesën e mbetur të kungujve.
Në një tavë hedhim pak vaj dhe më pas makaronat. Shtojmë kikirikët dhe pjesën e mbetur të djathërave.
Makaronat i pjekim për rreth 35 minuta në furrë me 180 gradë, të ngrohur më parë.
