Viti 2024 shënon 25 vjet që nga kthimi i Makaos në gjirin e atdheut dhe nga formimi i Rajonit të Posaçëm Administrativ të Makaos (SAR). Gjatë çerekshekullit të kaluar, qeveria e Rajonit të Posaçëm Administrativ të Makaos ka arritur përparim të jashtëzakonshëm në zhvillimin ekonomik e shoqëror, duke përfituar nga epërsitë unike të këtij rajoni.
PBB-ja e Makaos u rrit nga 51.9 miliardë pataka të Makaos (MOP) në vitin 1999 në 379.5 miliardë MOP në vitin 2023 (afërsisht 47 miliardë dollarë, bazuar në kursin mesatar të këmbimit të vitit 2023). Kjo rritje e jashtëzakonshme e ka vendosur Makaon ndër ekonomitë më të zhvilluara të botës. Vjet PBB-ja e Makaos u rrit me 80.5 për qind në krahasim me vitin 2022, duke u nxitur nga një rimëkëmbje e fuqishme pas COVID-it.
PBB-ja për frymë ka pasur gjithashtu një rritje të konsiderueshme, duke u shtuar nga 15 000 dollarë në vitin 1999 në 69 000 dollarë vitin e kaluar.
