“Magjistari” shqiptar, Igli Tare
Igli Tare është një magjistar sipas italianëve. Në një artikull të fundit, shqiptari i Lacios është menaxheri më i mirë sportiv, duke bërë që me pak para ta çojë Lacion në champions. “7 vite më parë drejtori sportiv i Lacios ishte Valter Sabatini, i cili cilësohej si më i miri në merkato. Në fund të sezonit në 2008 Klaudio Lotito i propozoi Igli Tares, i cili ishte ende nën kontratë si futbollist të ishte njeriu që do të merrej me merkaton”.
Kështu shkruan Daniele Del Orko për të përditshmen Libero”. Kjo ishte edhe pikënisja e karrierës së Igli Tares si zyrtar. Një poliglot si ai bashkë me të njohurit që ka u kthye në një pikë të rëndësishme të Lacios. Tare është ai që në merkato shpenzon me pak se kundërshtarët duke dhënë rezultate. Skuadra luante dje ndeshjen e kthimit play off në Champions League me Bajerin në Levekusen me ekipin e ndërtuar prej tij.
30 milionë euro shpenzoi Lacio, në dallim nga 140 milionë të Romës (pa llogaritur 77 milionë nga pagesat që duhet të përfundojnë në 2016) në dy hapësirat e fundit të merkatos. Edhe skuadrat e tjera nuk janë kursyer në të njëjtën periudhë si Juventus 160 milionë dhe Milan 110 milionë euro. Sa ka kushtuar vetëm Karlos Baka, Lacio ka shpenzuar prej qershorit të 2014.
