Liga e Kampionëve do të kthehet në aksion sonte, kur do të vendosen dy gjysmëfinalistët e parë të këtij sezoni. Barcelona do të tentojë ta mbrojë epërsinë 1:0 në Camp Nou, vendin ku Manchester Unitedi e kishte siguruar triumfin më të madh në histori të klubit.
- Barcelona është në epërsi me rezultat 1:0 nga ndeshja e parë
- Manchester Unitedi po shpreson ta përsërisë arritjen kundër Paris Saint-Germainit
- Valverde: Prioriteti ynë është të shënojmë
- Solskjaer: Duhet ta mbajmë portën e paprekur dhe jemi në lojë
- Fituesi do të përballet me Liverpoolin ose Porton në gjysmëfinale
Pas pesë ndeshjeve brenda 15 ditëve, Ernesto Valverde, u përgatit për ndeshjen kthyese duke startuar me lojtarë të rinj kundër Huescas në fundjavë. Gerard Pique dhe Luis Suarez ishin të suspenduar, ndërsa Sergio Busquets, Lionel Messi, Sergi Roberto dhe Ivan Rakitic e kishin marrë pushim.
Barcelona pritet të luajë me formacionin më të mirë të mundshëm kundër Manchester Unitedit sonte, pasi që Ousmane Dembele është rikuperuar dhe luajti edhe kundër Huescas. Por, edhe “Djajtë e kuq” janë shprehur të gatshëm për luftën për ta siguruar një vend në gjysmëfinale.
Dy gjysmëfinalistët e parë të garës më prestigjioze të futbollit në Evropë, Ligës së Kampionëve, do të vendosen sonte. Juventusi e ka epërsinë e një goli të shënuar si mysafir, por është i vetëdijshëm se nuk mund të jetë shumë i sigurt kundër Ajaxit që e eliminoi Ligën e Kampionëve.
- Ndeshja e parë përfundoi me rezultat 1:1, pas golit të 125-të të Ligës së Kampionëve
- Ronaldo i ka shënuar 24 gola në 21 ndeshje çerekfinale
- Frenkie de Jong mund të mos jetë 100 për qind i gatshëm për shkak të një problemi muskulor
- Ajaxi nuk ka fituar kundër Juventusit në pesë përballjet mes tyre
- Fituesi do të përballet me Tottenhamin ose Manchester Cityn në gjysmëfinale
Paraqitja e Ajaxit në Amsterdam ishte mjaftueshëm e mirë për ta mbajtur në gishta Juventusin, të cilët nuk do ta nënvlerësojnë kundërshtarin e tyre. Ajaxi e kishte përmbysur rezultatin nga disfata 2:1 në fitore 4:1 në ndeshjen kthyese kundër Real Madridit në fazën paraprake, transmeton Gazeta Express.
Megjithatë, për shkak të epërsisë së të qenit vendas dhe pasi që e kanë në skuadër Cristiano Ronaldon, që i ka shënuar 24 gola në 21 paraqitje në çerekfinale të Ligës së Kampionëve, Juventusi beson se e ka epërsinë për t’u kualifikuar në gjysmëfinale.
g.kosovari
