Dritan Hila ka komentuar kapjen e presidentit venezuelian, Nicolas Maduro, nga amerikanët.
I ftuar në emisionin “Të Paekspozuarit” në MCN TV, ai tha se e drejta ndërkombëtare nuk vlen për Perandoritë si SHBA dhe se Trump e tha troç që i intereson nafta e Venezuelës.
“Kemi tre perandori, amerikane, ruse dhe kineze. Këto nuk i kanë parasysh ligjet ndërkombëtare, që janë si puna e rrjetës së merimangës. Këto superfuqi veprojnë sipas interesave kombëtare, jo si në planin tonë të shteteve të vogla.
Nuk veprojnë në këtë mënyrë. SHBA kanë patur një kërcënim, që ka qenë Venezuela, që bënte drogën, shumë pak, i duhet nafta, i duhet ta bëjë zap, ti thotë kinezëve dhe rusëve këtu jam unë.
A ka të drejtë ndërkombëtare? Leshin, nuk ka farë të drejtë ndërkombëtare të marrësh udhëqësin e një vendi.
Më pëlqen Amerika, është vendi ku mund të flasësh, nuk të hyn ferrë në këmbë, por në planin ndërkombëtar është perandori. Normale nuk është të rrëmbesh Presidentin e një vendi, sepse nuk do të zgjidhet asgjë.
Amerika është fuqi e madhe, fati i madh që na fut në sferën perëndimore dhe nuk vjen na merr Ramën ose Kurtin. Me ne ka bërë SPAK-un e këto, ka mekanizma të tjera.
Të flasësh për të drejtat e njeriut dhe demokracinë… Trumpin e pëlqej sepse e tha hapur. Ai tha më duhet nafta, sepse rafineritë e mia, punojnë me naftën tënde dhe do ta marr. Punon Chevron aty, do të futen edhe të tjerat. Do ta marrin, nuk pyesin fare. Ti lëmë të drejtat e njeriut. Ky tipi i prishte punë, e kapi për zverku”, tha Hila.
