Presidenti francez Emmanuel Macron i shtyu Shtetet e Bashkuara të përfshiheshin në punët globale, gjatë një fjalimi në Kongresin amerikan, ku mbajti një fjalim që kontraston me hapat që izolues të Donald Trump Trump.
“Shekulli 21 ka sjellë një sërë kërcënimesh të reja dhe sfidash të reja që paraardhësit tanë nuk i kanë imagjinuar kurrë”, tha ai. “Ne mund të ndërtojmë botën e shekullit 21 bazuar në një brez të ri të multilateralizmit, bazuar në një multilateralizëm më efektiv, të përgjegjshëm dhe të orientuar drejt rezultateve”.
“Shtetet e Bashkuara janë një aktor madhor që duhet të përfshihet në situatat globale”, tha Macron.
Ai theksoi rëndësinë e kujdesit për mjedisin dhe theksoi rekordet e administrimit të Trump dhe të emëruarve të Trump drejt liberalizimit, në lidhje me shqetësimet mjedisore.
“Duhet të gjejmë një tranzicion më të butë në një ekonomi që ndot më pak mjedisin”, tha ai. “Sepse cili është kuptimi i jetës sonë, me të vërtetë, nëse punojmë dhe jetojmë duke shkatërruar planetin, ndërsa sakrifikojmë të ardhmen e fëmijëve tanë?”
“Le të përballemi me realitetin: Nuk ka Planet B,” shtoi Macron.
Fjala e Macron përkon me 58 vjetorin e fjalimit të presidentit francez Charles de Gaulle në një sesion të përbashkët të Kongresit Amerikan.
Macron e konsideron Trump si një udhëheqës botëror. Ai e filloi fjalimin e tij duke falenderuar dhe lavdëruar homologun e tij amerikan. Ai theksoi rëndësinë e marrëdhënieve midis Shteteve të Bashkuara dhe Francës, një marrëdhënie e farkëtuar që nga fillimi i SHBA.
“Ne kemi ndarë historinë e të drejtave civile,” tha ai. “Mijëra shembuj vijnë në mend, dikush do të mendonte për shkëmbimet midis kulturave tona përgjatë shekujve”.
