Presidenti i ri i Francës Emmanuel Macron vizitën e tij të parë pas fitores historike e zhvilloi në Gjermani ku u prit nga kancelarja Angela Merkel. Kjo vizitë, kishte një domethënie mjaft të fortë, atë të konfirmimit të boshtit të BE Berlin-Paris, por edhe forcimit të miqësisë mes dy vendeve kryesore të unionit evropian.
Dhe në këtë vizitë të parë, u dukë edhe nëj tregues i parë i politikës së re të centristit Emmanuel Macron. Në bashkëbisedimin me Merkel, dy liderët ishin të një mendimi se “Traktetet evropiane mund të ndryshohen nëse është e nevojshme”.
Një kthesë e fortë kjo e politikës franceze e cila në të shkuarën është treguar mjaft e ngurtë sa i takon ndryshimit të legjislacionit evropian dhe traktateve. Dy liderët gjatë bashkëbisedimit theksuan edhe nevojnë e nje dinamike të re në marrëdhëniet mes dy vendeve.
Frenimi i populizmit është objektiv i boshtit franko-gjerman, ku nuk kanë munguar edhe në këto demokraci personazhet që rrezikojnë shkarjen drejt populizmit, siç ishte edhe rasti i le Pen në Francë./JavaNews/a.m.
