Gazetari Lutfi Dervishi sulmuar disa organe të shtypit në vend, teksa komenton ‘çudinë’ përmes një ironie të hidhur.
Bëhet fjalë për disa media, që edhe pse janë rreshtuar në krah të opozitës dhe Presidentit për datën e zgjedhjeve, nga ana tjetër kanë përfituar reklama nga Komisioni Qendror i Zgjedhjeve.
Ky i fundit po organizon zgjedhjet e 30 qershorit, datë kjo që nuk e njeh PD, LSI dhe Ilir Meta.
“Gazetat jo vetëm që janë të pavarura, por edhe faqet e gazetave janë të pavarura nga njëra – tjetra.
Në faqen e parë botojnë thirrje për bojkot të zgjedhjeve dhe në faqen e fundit botojnë reklamën e KQZ- se për të marrë pjesë në votime” – shkruan Lutfi Dervishi në rrjetet sociale.
Komisioni Qendror i Zgjedhjeve ka nisur një fushatë sensibilizimi për zgjedhjet lokale 2019, spoti i së cilës është shpërndarë në mungesë të transparencës dhe pa kritere të bëra publike.
