Sami Lushtaku dhe Arben Gjukaj, dhe pesë të tjerë do të ulën sot sërish në karrigen e të akuzuarve për akuzat e Prokurorisë për tenderin milionësh të KEK-ut. Këtë për KosovaPress e ka konfirmuar edhe avokati i Sami Lushtakut në këtë rast Arianit Koci.
Rasti ka të bëjë me tenderin për sigurimin fizik të objekteve të KEK-ut, vlera e të cilit mbërrinte deri në gjashtë milion euro.
Në këtë rast gjyqësor, Esat Tahiri dhe Milazim Lushtaku akuzohen për veprën penale mashtrim, Driton Pruthi, drejtori i KEK-ut Arben Gjukaj, ish-kreu i OSHP-së Hysni Hoxha dhe Azem Duraku, akuzohen për keqpërdorim të pozitës ose autorizimit zyrtar, ndërsa kryetari i Skenderajt, Sami Lushtaku, akuzohet për shtytje në keqpërdorim të detyrës zyrtare.
