Veterinerë dhe përfaqësues të Ministrisë së Bujqësisë ishin në Rrapez të Lushnjes, fshati ku janë prekur nga dermatoza nodulare më shumë se gjysma e gjedhëve.
Kryeveterineri Edi Ferro dhe zv.ministri Roni Telegrafi siguruan fermerët që çdo kafshë e ngordhur nga sëmundja e gjedhit do të dëmshpërblehet kokë më kokë me një tjetër bagëti.
Edi Ferro: Kompensim ideal është me lopë, pra lopë për lopë, mungesa e eksperiencës për tu përballuar me këtë sëmundje ka qenë probelamtike jo vetëm në Shqipëri, por edhe në vendet e tjera të rajonit.
Roni Telegrafi: Do kenë valixhen e tyre të mjekimeve brenda një dite. Ku ka nevojë fermerë të cilët duhet ti ndihmohen kafshët tu ndihmohen gratis.
Zyrtarët e Ministrisë u bënë thirrje fermerëve të matrikulojnë bagëtitë që të kihet një evidencë e qartë e numrit të gjedhit që ka zona e Myzeqesë, raporton “ora”. Ndërkohë këtë periudhë sëmundja e dermatozës nodulare ka njohur një rishfaqje në zonat fushore, ku temperaturat janë më të larta.
