Policia e Lushnjes ka ndaluar dy të rinj të shpallur në kërkim për vjedhje në bashkëpunim. Ata dyshohet se i kanë vjedhur një sasi parash një shtetasi 30 vjeçar, ngjarje e ndodhur në shtator të vitit 2017. Nuri Hatija dhe Eduart Sharka, të dy banues në Lushnje janë dy shtetasit e akuzuar për vjedhje në bashkëpunim.
Njoftimi i plotë:
Policia e Lushnjes ndalon 2 shtetas të shpallur në kërkim për “Vjedhje të kryer në bashkëpunim”.
Specialistët për Hetimin e Krimeve në Komisariatin e Policisë Lushnje, ndaluan shtetasit e shpallur në kërkim:
1.Nuri Hatija, 21 vjeç, banues në Lushnje.
2.Eduart Sharka, 23 vjeç, banues në Lushnje.
Ndalimi i këtyre shtetasve u bë pasi Gjykata e Rrethit Gjyqësor Lushnje me vendimin e datës 31.05.2018 i ka dënuar me 4 muaj burg, për veprën penale “Vjedhje” , e kryer në bashkëpunim, parashikuar nga Neni 134/2 i Kodit Penal.
Këta shtetas, në datën 30.09.2017, në bashkëpunim me njëri tjetrin, në lagjen “Xhevdet Nepravishta” në rrugë i kanë vjedhur shtetasit N.M, 30 vjeç një sasi lekësh.
Materialet proceduriale për veprime të mëtejshme i kaluan Prokurorisë Pranë Gjykatës së Shkallës së Parë Lushnje.
ma.me
