Nënkryetarja e Parlamentit Evropian dhe Raportuesja për Kosovën, Ulrike Lunaçek, që publikimit të Raportit të Progresit për Kosovën nga Komisioni Evropian po qëndron në Prishtinë, ka mbajtur një konferencë për media.
Aty ka ripërsëritur mesazhin që ka thënë se është këtu për t’ua dhënë klasës politike në vend.
“Mesazhi im është se duhet lëvizur drejt plotësimit të kushteve. Ju lutëm bëni çfarë duhet të bëni për të kryer këtë proces, për të përmbushur zotimet që keni dhënë, dhe në marrëveshjet që keni nënshkruar”, ka thënë Lunaçek.
Ka thënë se BE-ja nuk do që të përsëritet problemi si i Kroacisë dhe Sllovenisë për vijën kufitare.
“Nënshkrimi i marrëveshjes së demarkacionit nuk do të thotë 100 për qind se do të liberalizohen vizat, por nëse marrëveshja nuk ratifikohet do të thotë 100 për qind se ato nuk do të liberalizohen”, ka thënë Lunaçek, teksa ka shtuar se Kosova duhet bërë shumë punë në luftimin e korrupsionit dhe krimit të organizuar.
Ka folur edhe për zgjedhjet në shtetet e BE-së, derisa ka thënë se zgjedhja e Donald Trumpit president i SHBA-ve gjithashtu nuk është lajm i mirë për Kosovën, citohet Koha. (b.an)
