Raportuesja për Kosovën në Parlamentin e Bashkimit Europian dhe nënkryetarja e këtij institucioni, Ulrike Lunaçek, u ka bërë thirrje pesë anëtarëve të BE-së, që nuk e kanë njohur ende pavarësinë e Kosovës, që sa më shpejtë ta bëjnë këtë, në mënyrë që të ketë një qëndrim zyrtar të qartë ndaj Prishtinës zyrtare nga Unioni Eropian.
Lunaçek këto deklarime i ka bërë të mërkurën kur Komiteti i Punëve të Jashtme i Parlamentit Europian miratoi një rezolutë për Serbinë dhe Kosovën, duke përshëndetur hapjen e negociatave për anëtarësim të Serbisë dhe progresit të BE-së në normalizimin e marrëdhënieve mes Beogradit dhe Prishtinës. Rezoluta e propozuar nga raportuesi për Serbinë në PE, David McAllister është mbështetur nga 50 deputetë, ndërsa dy ishin kundër dhe kishte katër abstenime.
