Policia e Shtetit ka publikuar një video të dytë të autorit të dyshuar për vrasjen e komisarit Artan Cuku në datën 8 Prill, në hyrje të pallatit të tij në rrugën e “Kosovarëve” në Tiranë. Autori i krimit shfaqet 1 orë e pak minuta para krimit të rëndë teksa futet në hyrjen e pallatit dhe largohet sërish. Ai shihet duke vëzhguar territorin.
Në videon e dytë të publikuar, autori shfaqet disi më qartë. Kjo ka bërë që në polici të vërshojnë dhjetëra telefonata në pak orë. Qytetarë të shumtë kanë dhënë informacion për identitein e mundshëm të personit në fjalë, por verifikimet e kryera nuk kanë arritur të zbulojnë autorin e krimit.
Mësohet se policia ka kryer një ballafaqim të personit të shfaqur në video me të tjerë shtetas të rreikzhsëm me precedentë. Deri tani nuk është arritur të sigurohen të dhëna të rëndësishme. Po ashtu, edhe shenja gishtërinjsh nuk ka të autorit pasi ai ka qenë me dorashka kur ka kryer vrasjen.
Policia dhe prokuroria dyshojnë se autori mund të jetë shtetas i huaj. Gjithsesi verifikimi i personave me precedentë në vend vijon sipas burimeve./JavaNeës/a.m.
