E ftuar në edicionin e parë të lajmeve në Klan News ka qenë kampionia e Europës Luiza Gega e cila ka folur dhe për vështirësitë financiare që sportistët kanë, por edhe trajnerët e tyre. Ajo mori shembull edhe trajnerin e saj Taulant Stërmasi, ku paguhet nga Klubi Sportiv Tirana vetëm 200 mijë Lekë të vjetra dhe nuk paguhet as nga ministria as nga federata. Kjo lloj pagese për trajnerët është e papërfillshme dhe nuk mund të mbajnë dot një familje.
“Diçka tjetër që është shumë gabim që trajnerët janë totalisht jo të mirë paguar. Trajneri im merr vetëm 200 mijë Lekë të vjetra, nga Klubi Sportiv Tirana dhe asnjë gjë tjetër. As nga ministria, as nga federata, nga asgjë. Këtë shikoj gapin më të madh qoftë edhe tek nxjerrja e talenteve të reja që trajnerët janë jo të mirë paguar dhe nuk kanë si t’i përballojnë kushtet financiare sepse shumë prej tyre janë edhe familjarë, nuk i intereson që të lënë familjen, për t’u marrë me diçka tjetër vetëm për pasion që nuk i sjell të ardhura.
Duhet të rregullohet dhe kjo pjesa sepse që unë të jem në këto nivele, patjetër që trajneri im duhet të më ndjekë kudo nëpër këto grumbullime. Ok ai e ka pasion dhe financiarisht është pak më mirë, por që trajnerët e tjerë nuk kanë mundësi dhe në qoftë se nuk rregullohet kjo. Këto talente do të dalin nga fëmijët dhe marrja me fëmijët do të nxjerrë të ardhmet…”, është shprehur Luiza Gega.
/a.r
