Pronësia e tokës për fat të keq në Shqipëri është kthyer në një problem të madh dhe është një nga arsyet kryesore që çon në ndarjen, zënkën dhe vrasjen mes të afërmëve.
Në ditët e sotme familjarët për njëri-tjetrin kthehen në hiena dhe e pranojnë me krenari të vdesin për hir të tokës.
Një rast i dhimbshëm për atë ç’ka përcjell si mesazh, por edhe shumë i përhapur, ka ndodhur ditën e djeshme në Berat.
Dy kushërinj bashkë me familjet respektive kërcënojnë njëri-tjetrin për një copë tokë. Konkretisht siç shkruan për JetaOshQef, personi i cili po filmon është pronar me letra i tokës përballë dhe personat të hipur mbi taracë nuk e pranojnë këtë duke menduar se vetëm pse toka është ngjitur me shtëpinë e tyre u takon atyre. Problemet mes tyre kanë nisur që në vitin 2010, por dy vitet e fundit situata është përkeqësuar.
Situata bëhet akoma më e rëndë kur dy djem xhaxhallarësh harrojnë gjakun që i bashkon dhe fillojnë kërcënimet e tregojnë sulmet që ata kanë pasur ndaj njëri-tjetrin. Madje personi në kamera e pranon të vdesë për hir të tokës, siç e kishte kërcënuar kushëriri i tij.
Siç do ta shikoni në video e moshuara është ajo që nxehet më së shumti gjatë këtij debati aspak miqësor. E shtyrë nga inati dhe urrejtja e momentit ajo nuk kursehet ndaj nipit të saj dhe në moment dobësie e shan dhe i kthen prapanicën.
Shikoni për më shumë videon e bërë dje në Berat./a.k
