Një sulm nga raketat ruse në një stacion treni në Ukrainë ka vrarë 22 persona në ditën që shënon gjashtë muaj nga fillimi i pushtimit të Moskës, sipas raportimit të Ukrainës. Ata thonë se 5 nga viktimat e sulmit në qytetin lindor të Chaplyne u dogjën për vdekje në një automjet, ku vranë edhe një djalë 11-vjeçar.
Presidenti Volodymyr Zelensky njoftoi sulmin në mes të një takimi të Këshillit të Sigurimit të OKB-së, i cili tha se rreth 50 persona janë lënduar, por rusia deri më tani nuk ka bërë asnjë koment. Ajo ka mohuar vazhdimisht se ka shënjestruar infrastrukturën civile.
Zelensky tha se mësoi për sulmin në Chaplyne, në rajonin e Dnipropetrovsk, teksa po përgatitej të fliste me Këshillin e Sigurimit tha: “Kjo është se si Rusia u përgatit për takimin e Këshillit të Sigurimit të OKB-së. Katër vagonë treni të cilët ishin të mbushura me pasagjerë është përshirë në flake, ku numri i viktimave mund të rritet”.
Disa ditë më parë, Zelensky akuzoi forcat e Moskës për shndërrimin e centralit bërthamor të Zaporizhzhia në një “zonë lufte” që rrezikoi centralin dhe njerëzit e Evropës, duke e vendosur botën “në prag të katastrofës së rrezatimit”. Sekretari i Përgjithshëm i OKB-së tha në të njëjtin takim se “lufta e pakuptimtë” mund të shtyjë miliona njerëz në varfëri ekstreme, si në Ukrainë ashtu edhe më gjerë.
Ukraina kishte ndaluar tubimet dhe ngjarjet e mëdha nga frika se Rusia mund të synonte tubime të tilla civile. Ai pasoi një paralajmërim nga SHBA për çdo shtetas të saj që të largohej përpara përvjetorit. Disa u mblodhën gjithsesi në rrugën Khreshchatyk për të parë grupin e tankeve ruse të kapur dhe automjeteve të blinduara të ekspozuara në vend të paradës së zakonshme ukrainase.
Mes fjalimeve të tij politike, presidenti Zelensky dhe gruaja e tij morën pjesë gjithashtu në një ceremoni përkujtimore për ushtarët dhe civilët e rënë të luftës, duke vendosur lule të verdha dhe blu në Murin e Kujtesës së Mbrojtësve të Rënies në Kiev. Në fillim të kësaj jave, zyrtarët ukrainas dhanë përditësimin e tyre të parë mbi viktimat ushtarake pas disa kohësh, duke thënë se rreth 9 mijë ushtarë ishin vrarë në konfliktin 6-mujor.
Pavarësisht humbjeve, Zelensky e kishte nisur ditën me një fjalim sfidues kombëtar, duke u zotuar se do të rimarrë të gjithë Ukrainën, “pa asnjë lëshim apo kompromis”. Një ngjarje e rëndësishme në Rusi të mërkurën ishte arrestimi i Yevgeny Roizman, i cili ishte një nga politikanët e fundit të rëndësishëm të opozitës në vend. Ish-kryebashkiaku i Yekaterinburgut u arrestua me akuzën e “diskreditimit të ushtrisë ruse”, e cila që nga fillimi i pushtimit të Ukrainës mund të dënohet me burgim deri në pesë vite. Teksa po arrestohej, ai tha me zë të lartë një frazë “pushtimi i Ukrainës’”.
/e.d
