Shtetet e Bashkuara mund të dërgojnë këshilltarë ushtarakë shtesë në ambasadën e saj në Kiev, me qëllim këshillimin dhe mbështetjen e qeverisë dhe ushtrisë ukrainase, tha për Zërin e Amerikës të hënën zëdhënësi i Pentagonit, gjeneral major Pat Ryder.
“Përgjatë konfliktit, Departamenti i Mbrotjes ka rishikuar dhe ristrukturuar praninë tonë në vend, pasi kushtet e sigurisë kanë ndryshuar me kalimin e kohës. Aktualisht, po shqyrtojmë mundësinë e dërgimit të këshilltarëve shtesë me qëllim zgjerimin e Zyrës për Bashkëpunim në Mbrojtje në ambasadë”, tha zoti Rayder përmes një deklarate.
Trupat do të kishin rol këshilluar për një sërë çështjes, nga logjistika, mirëmbajtja, komunikimi dhe masat për sigurimin e personelit dhe logjistikës për të përballuar operacionet ushtarake në terren.
Gazeta “Politico” ishte e para që raportoi se po shqyrtohej mundësia e shtimit të këshiltarëve.
Paketa parashikon 61 miliardë dollarë për forcat ukrainase që po luftojnë kundër agresionit rus, 26 miliardë për Izraelin dhe ndihmën humanitare për civilët në zonat e konfliktit, përfshirë Gazën, si dhe 8 miliardë dollarë për rajonin e Indo-Paqësorit.
Ai tha se me miratimin e projektligjit u mbështetën interesat e sigurisë kombëtare të Shteteve të Bashkuara dhe u dërgua një “mesazh i qartë për fuqinë udhëheqëse të Shteteve të Bashkuara në arenën ndërkombëtare”./ VOA
