Kriza brenda Partisë Demokratike u zbulua pasi Basha humbi zgjedhjet. Kështu mendon deputeti I opozitës, Dashamir Shehi. Sipas tij, gjithçka plasi pas 25-Prillit.
“Kush është plasja? Është humbja e zgjedhjeve. Po të ishin fitu zgjedhjet, nuk ishim në këtë debat ne sot. Basha do bëhej hero i ri dhe do tu mbyllte kjo punë. Mirëpo, kjo është një marrëdhënie e cila fundin e vet e ka tek zgjedhjet. Zgjedhjet u humbën!”
Për Shehin, ora politike e liderit të opozitës, z.Basha tashmë ka përfunduar. Ai shprehet se gjithçka po shohim ditët e fundit është një debat pjesërisht hapur. I pakënaqur, kreu i LZHK-së shprehet se opozita nuk duhet të vijojë me të njëjtin ritual, ku në krye të saj të jetë ose Berisha, ose Basha.
“Për herë të parë kemi një debat pak a shumë të hapur. Nuk është shumë i hapur, se janë vetëm këta të dy. S’paska njerëz të tjerë opozita shqiptare? Ky qenka i vetmi ritual. O do të rikthehemi për herë të tretë-katërt tek z.Berisha, opo do durojmë patjetër z.Basha, i cili për mua i ka bërë dhe ky orët politike, se motorra politikë ëhstë janë këto. Nuk është me moshë kjo. Mirëpo, asnjëri prej këtyre personave nuk është se ka reflektu mbi këto lloj principesh, sepse po humbim.”
Debati midis Berishës dhe Bashës, sipas Shehit nuk është konstruktiv, por më shumë i ngjan një goditjeje poshtë brezit.
“Ky është një debat, sigurisht që nuk është konstruktiv, për të qenë të sinqertë. Sepse bëhet me mjete që janë *me goditje poshtë brezit, nga të dy palët, në një farë mënyre. Se z.Basha mori një vendim natën e fundit, nën presionin e të huajve dhe ia la peshën të huajve.”
g.kosovari
