Drejtori i Policisë së Shtetit Haki Çako është takuar me minsitrin britanik të shtetit për Sigurinë, Ben Wallace, ku u vlerësua bashkëpunimi policor mes dy vendeve.
Wallace tha se Britania e Madhe do të dërgojë ekspertë për të mbështetur policinë shqiptare në luftën kundër grupeve kriminale.
“Mbretëria e Bashkuar është e vendosur të mbështesë dhe të forcojë bashkëpunimin me Policinë Shqiptare. Britania e Madhe do të dërgojë ekspertë për të mbështetur Policinë Shqiptare në luftë kundër grupeve kriminale. Shkëmbimi në kohë reale i informacionit mbi grupet kriminale është një tjetër tregues i bashkëpunimit mjaft pozitiv mes dy policive”, tha Wallace.
Ndërsa z. Çako nga ana e tij u shpreh se policia është e fokusuar në luftën pa kompromis kundër krimit të organizuar, kundër kultivimit dhe trafikimit të lëndëve narkotike, pastrimit të parave, krimit kibernetik, sekuestrimin e aseteve kriminale të grupeve kriminale që veprojnë brenda dhe jashtë vendit, kundër terrorizmit dhe radikalizmit .
Gjatë takimit u diskutua mbi bashkëpunimin e ndërsjelltë dhe të vazhdueshëm mes dy policive.
a.ç
