Sekretari amerikan i Shtetit, Rex Tillerson do të zhvillojë më 11 dhe 12 prill vizitën e tij të parë në Moskë, njoftoi sot diplomacia ruse në një komunikatë.
Bëhet fjalë për vizitën e parë të një përgjegjësi të lartë nga administrata e re amerikane që prej ardhjes në pushtet të Donald Trump në janar.
“Tillerson dhe homologu i tij rus, Sergei Lavrov do të diskutojnë për luftën kundër terrorizmit, mbi të gjitha kundër grupit xhihadist Shteti Islamik (ISIS) dhe grupe të tjera terroriste, nga Siria në konfliktin izraelito-palestinez, për Jemenin, Libinë, Korenë e Veriut dhe konfliktin ukrainas”, sipas një komunikate të Ministrisë ruse të Punëve të Jashtme.
Nga ana tjetër departamenti amerikan i Shtetit konfirmoi këtë vizitë, duke theksuar se “bën pjesë në përpjekjet e Uashingtonit për të mbajtur linja të përgjithshme komunikimi me përgjegjësit e lartë rusë”./b.d
