77-vjeçarja Zera Vllaçaj, nga fshati Pakisht i Kukësit, çdo ditë del në tregun e qytetit për të shitur fruta të egra të thata dhe rrobat vetjake për sigurimin e kafshatës.
Por, për prodhimet e rrobat e Zajës, blerësit shumë pak kanë interes, me 100 apo 200 lek që siguron në ditë, ajo i përdor për të blerë bukë.
Karvani i vuajtjeve për nënë Zejan ka filluar para 6 vitesh, kur djali i saj u divorcua, e më pas pësoi aksident duke mbetur invalid, po ashtu edhe pa shtëpi.
Ajo sot e kësaj dite ajo banon në një apartament me qera, duke u kujdesur edhe për djalin invalid.
E Moshuara, me hallet e jetës mbi supe, për asnjë moment nuk u dorëzua për përmbushjen e kërkesave familjare, por shterimi i fuqive e pesha e viteve, e ka detyruar të apelojë për ndihmë. Ajo kërkon lidhjen e pensionit shoqërues për djalin dhe sigurimin e një banese.
