Gjatë rrëfimit në emisionin “Të paekspozuarit”, Fatos Lubonja tregoi se burgu më i keq për të ka qenë Spaçi, për shkak të punës së rëndë.
“Spaçi për mua ishte burgu më i keq, për disa ishte Burreli se ishte ajo që njerëzit rrinin shumë ngushtë. Ndërsa në Spaç ishte më e vështirë, sepse vetëm punoje, nuk kishe kohë për asgjë. Punoje edhe turn i tretë”
Lubonja tregoi se kishte pasur momente të vështira në burg, por instikti i jetës e kishte mbajtur gjallë.
“Hapnin fjalë që kishin vrarë veten njerëz. Thanë që kishte vrarë veten Sherif Merdani se e kishin dënuar 12 vjet. Kur ma tha një shok thashë: Po mirë mo e ka bërë, se a jetohet 12 vjet në burg!
Por kur u dënova vetë e kuptova se instikti i jetës është më i fortë. Kishte shpresa për amnisti, jo kshu po ashtu. Po shpresa më e madhe erdhi kur vdiq Enver Hoxha, se nuk dihej a do bjerë a nuk do bjerë. Unë mendoja që do lirohem 60 vjeç” tha Lubonja.
