Kreu i Grupit Parlamentar të Lëvizjes Socialiste për Integrim, Luan Rama, është ndalur sot në Kukës.
Gjatë fjalës së tij, Luan Rama siguroi se LSI është pranë njerëzve në çdo kohë dhe e mban fjalën e saj.
Duke u ndalur tek situata politike në vend, ai u shpreh se për zgjidhjen e situatave të vështira nevojitet tolerancë dhe dialog, e jo arrogancë e mendjemadhësi, të cilat vetëm sa e dëmtojnë demokracinë.
“Lëvizja Socialiste për Integrim është pranë njerëzve në çdo kohë, sepse e mban fjalën. Situatat e vështira kapërcehen me tolerancë dhe dialog. Arroganca dhe mendjemadhësia dëmtojnë demokracinë”, deklaroi Luan Rama.
Për reformën në drejtësi, ai tha se është përgjegjësi e institucioneve të shtetit të punojnë për të, por presioni mbi organet e drejtësisë vetëm sa dëmton.
“Reforma në drejtësi është përgjegjësi e institucioneve të shtetit, gjykoj se presioni mbi organet e drejtësisë i dëmshëm”, tha ai ndër të tjera.
Luan Rama e cilësoi të pafalshëm mosvënien në punë të aeroportit të Kukësit./a.m.
