Luan Rama ka folur pas mbledhjes së Komisionit të Ligjeve ndërsa ka komentuar për mediat qëndrimin e Lëvizjes Socialiste për Integrim në lidhje me marrëveshjen Rama-Basha.
Ai e quajti realizimin e paktit politik si një arritje të LSI-së dhe partnerëve ndërkombëtarë.
“Gati mbi një muaj më parë kur ne insistuam për nevojën e dialogut, kur ne thamë që është e rëndësishme pjesëmarrja e opozitës në zgjedhje sepse përndryshe do të kemi një farsë. Kur thamë që jemi të gatshëm të dorëzojmë ministritë. Dhe mbi të gjitha deklarata që bëri Ilir Meta se jemi të gatshëm të mbështesim një qeveri besimi me kryeministër Edi Ramën. Mbetemi shumë korrektë dhe seriozë në angazhimin tonë për implementimin e marrëveshjes. Sepse u arrit ajo që u bë falë presionit të LSI-së dhe ndërkombëtarëve” – tha kreu i Grupit Parlamentar të LSI. /javanews/b.d
