Nënkryetari i Lëvizjes Socialiste për Integrim Luan Rama e ka cilësuar një skandal nismën e kryeministrit për të mbledhur para për të paguar gjobën e dy shqiptarëve të Zvicrës të vendosur nga FIFA.
Në një status, ai thotë Ramës nuk i intereson pse Biblioteka Kombëtare përbytet pasi janë prishur bulevardet dhe trotuaret dhe janë shkatërruar kanalizimet, por kërkon të hiqet sipas tij, patriot i madh duke mbledhur para, për të paguar gjobën e FIFA-s ndaj dy futbollistëve shqiptarë të përfaqësueses së Zvicrës, Xhakës e Shaqirit.
Por Luan Rama thotë se kryeministri nuk ka as tagrin dhe për më tepër sipas tij kjo mund të dëmtojë dy futbollistët pasi është kundër rregullave të FIFA-s. Ai i kujton kryeministrit jo vetëm bibliotekën por edhe spitalet dhe të sëmurët, fëmijët e shkollat, rrugët dhe cilësinë e jetës së qytetarëve.
a.ç
