Lëvizja Socialiste për Integrim, përmes kreut të grupit të saj Luan Rama, distancohet nga deklarata e deputetit Spartak Braho i cili u shpreh për vijimin e koalicionit me PS. Ai tha se “kemi të bëjmë me një refleksion personal të zotit Braho”.
LSI nuk do marrë pjesë në zgjedhjet për bashkinë Kavajë. Kryetari i grupit të LSI Luan Rama deklaroi se PS ka proceduar në mënyrë të njëanshme për zgjedhjen e kandidaturës dhe kryerjen e procesit.
“LSI nuk është regjistruar për të marrë pjesë për zgjedhjet e Kavajës, sepse mënyra si është proceduar deri tani për zgjedhjen e kandidaturës ka qenë e njëanshme, nuk jemi trajtuar si partnerë në këtë proces. Nga ana tjetër ne kemi qenë kundër kandiaturës që u bë kryetar bashkie për ato cështje, dhe e kemi konsideruar procesin çështje të PS-së. Ne nuk jemi pjesë e këtij procesi”, deklaroi ai.
Rama shkoi edhe më tej teksa tha se LSI ishte kundër edhe për kandidaturën e Elvis Rroshit.
“Sigurisht që jemi në koalicion dhe jemi korrekt dhe serioz. Partnerë do të thotë edhe të dëgjosh, të dëgjohesh dhe të vendosësh së bashku. Nuk kam asnjë interes se kush kandidon në Kavajë”, tha ai.
Eksponenti i lartë i LSI reagoi dha edhe një ëprgjigje për deklaratën e fortë të Saimir Tahirit, i cilitha se “LSI mendonb si PD ëpr zgjedhjet në Kavajë”.
“Ne nuk mendojmë njësoj as si PD dhe as si Sajmiri. Po ti referohemi Sajmirit edhe para 6 muajsh tha se nuk ëhstë e nevojshme ushtria për kanabisin ndërkohë dje qeveria reflektoi dhe ridimensionoi luftën anti-kanabis”, deklaroi Rama.
