Ezequiel Lavezzi, futbollisti argjentinas, mori një “premium” prej 60.000 eurosh në xhep për fitoren e një ndeshjeje, në të cilën ai ka luajtur vetëm 20 minuta. Ky ishte debutimi i ish-lojtarit të Napolit dhe PSG-së në Superligën Kineze të futbollit, ku u transferua merkaton e janarit, në Guangzhou.
Argjentinasi Lavezzi u transferua në kampionatin kinez, merkaton e janarit Gjëja më e habitshme është se sulmuesi argjentinas hyri në fushë në minutën e 70-të, kur zëvendësoi Gervinho, kështu që ka pasur një fitim prej 3.000 euro për çdo minutë.
Sipas informatave të publikuara nga gazeta “L’Equipe”, Lavezzi, i cili ka një pagë të parashikuar vjetore prej 14 milionë eurosh, fitoi, ashtu si kolegët e tij, një shpërblim shtesë prej 60.000 eurosh për fitoren në ndeshjen e parë të luajtur në Kinë. telesport
