Kryetari i grupit të LSI Petrit Vasili ka dalë në një deklaratë për mediat një ditë para seancës plenare ku do të miratohen strukturat e organeve të Vettingut.
Vasili ka sulmuar ashpër mazhorancën lidhur me shkurtimet e bëra në këto organe.
Ai thotë se kemi të bëjmë me një veprim me qëllime të errëta.
“Kemi të bëjmë me një mazhorancë që do ta kapë vettingum, dhe së dyti edhe qesharake. Mahoranca do të votojë nesër aktin normativ për 203 punonjës, më pas do votojë shkurrtimin me 110 punonjës. Pra qeveria ka parashikuar 203 punonjës, dhe papritmas i shkurton gjysmë për gjysëm 100 vende pune. Kjo papërgjegjshmëri e qeverisë është e nisur nga qëllime të errëta”, deklaroi Vasili./a.m.
