Ambasadori amerikan në Tiranë Donald Lu, ose është bërë makth ose fiksim për Lëvizjen Socialiste për Integrim, krerët e së cilës nuk lenë asnjë fjalë të tij “me rënë në tokë’, pa replikuar. Që pas miratimit të Reformës në Drejtësi, kalimit në opozitë, por sidomos pas largimit të Adriatik Llallës si kreu i Prokurorisë së Përgjithshme, LSI ka demonstruar një armiqësi pa dorashka ndaj zyrtarit më të lartë amerikanë në Tiranë. Dy ish ministrat e drejtësisë Petrit Vasili dhe Ylli Manjani janë në vijën e parë të zjarrit kundër ambasadorit Lu, sulme të cilat tashmë lidershipi i LSI nuk i justifikon më si “qëndrime personale”. Sërish sot, ende pa u tharë boja e deklaratës së ambasadorit amerikan, lidhur me kapjen e kokainës në Maminas dhe ende pa u transmetuar të plota edhe titrat e deklaratës së tij, kryetari i grupit parlamentar të LSI Petrit Vasili, ka nxituar të replikojë me ambasadorin amerikan që tha se Arbër Çekaj mund të quhet një “peshk i madh”, pasi iu sekuestruan plot 613 kg kokainë.
Por Vasili në kundërpërgjigje deklaron se ai është thjesht një cironkë, ndërkohë që “peshqit e mëdhenj” janë tjetërkush.
“Prokuroria të zbardhe se pse qeveria mbrojti peshkaqenët e mëdhenj te 613 kg kokainës ne këmbim te disa cironkave. Pse nuk heton prokuroria se për ç’qellim kryeministri beri deklarata krejt te kundërta ne raport me ministrin e brendshëm për bashkëpunimin me partneret ndërkombëtare.
Pse prokuroria nuk flet dhe nuk arreston sabotuesit e zbulimit te peshkaqeneve te medhenj te rrjetit kriminal te 613 kg kokaine apo 180 milion euro dhe devijimit te vemendjes drejt cironkave, qe e lene rrjetin kriminal te paprekur dhe i hedhin hi syve opinionit publik.
Pse nuk heton kush e lejoi kete Arber Çeken te ikte nga Shqiperia kur kish dyshime, precedente etj etj…
Pse nuk heton prokuroria se pse qeveria ne momentin e zbulimit te droges nuk kerkoi pranine e sherbimeve partnere nderkombetare per vazhdimin e operacionit me qellimin e vetem zbulimin e rrjetit kriminal dhe peshkaqeneve te vertete dhe jo cironkave te lena enkas.
Zbardhja e ketyre ceshtjeve eshte vija ndarese mes nje prokurorie qe lufton pa kompromis drogen, qe godet peshkaqenet dhe jo cironkat dhe asaj prokurorie qe behet bisht i qeverise qe mbron trafikun e droges dhe peshkaqenet drejtues te saj”, shkruan Vasili.
a.meta/javanews.al
