Lëvizja Socialiste për Integrim ka shpallur sot nismën “Të bëhemi bashkë kundër drogës” dhe iu ka bërë thirrje qytetarëve të bëhen pjesë e kësaj nisme.
Deputetja e LSI-së për qarkun e Tiranës, Nora Malaj në një konferencë për mediat sot në selinë e LSI-së, tha se është koha për veprim që të bashkoheni me nismën kundër drogës.
Sipas Maljas, krimi ka kapur vendin dhe droga është një problem kombëtar.
“Krimi ka kapur vendin dhe opinioni publik me zë dhe figurë po kupton se dhuna krimi vrasja është kthyer në lajtmotivin e lajmit të ditës dhe për fatkeqësisht shitja e drogës është kthyer në një problem mbarëkombëtare dhe një nga sidat e mëdha të shoqërisë tonë”, tha Malaj
“I drejtohem çdo familje shqiptare, mësuesve të rinjve për t’u bërë pjesë e kësaj nisme. Nëse sot nuk bëjmë të pamundurën për fëmijët tanë, nesër do përballemi me të paimagjinueshmen”, tha deputetja e LSI-së.
/b.d
