Lëvizja Socialiste për Integrim kërkon drejtësi mbi përgjimin e servirur nga Partia Demokratike ku pretendohet se vëllai i ministrit të Brendshëm Fatmir Xhafaj fliste me një trafikant droge.
Ka qenë kreu i grupit parlamentar Petrit Vasili, i cili ka reaguar sërish lidhur me deklaratat e kryeministrit Rama në mbledhjen e kaluar të grupit të PS, ku komentoi audiopërgjimin e publikuar nga PD.
Në një deklaratë për mediat, Vasili thotë se Rama mashtroi mbi këtë çështje.
“Kryeministri i cili ka bërtitur për drejtësi të re, kishte ndërmend vetëm stabilizimin e një reformë të errët në drejtësi, e cila i shërben vetëm, atij mbron vetëm atë, dhe është armike e qytetarëve të zakonshëm. Disa ditë më parë, për autodiopërgjimin, kryeministri tha se kishte kërkuar nga një agjenci për ekspertizë, duke deklaruar se materiali ishte jo autentik. Kjo është prokurori armike e qytetareve dhe kamikaze e kryeministrit dhe trafikanteve dhe krimineleve.
Por ka disa pyetje të mëdha, të cilat nuk janë tonat, por që gjithë opinioni publik, apo qytetarët shqiptarë i bëjnë.
Kush ia dha audiopërgjimin kryeministrit Rama, pasi atë e ka vetëm prokuroria?
Se dyti me ç’tagër e kërkoi kryeministri Rama që të bënte një verifikim të tillë, privatisht apo shtetërisht?
Pse kryeministri mashtroi për një çështje ku hetimi kish filluar nga prokuroria?”, tha deputeti Vasili.
E duke vijuar pikëpyetjet që ngre ndaj Prokurorisë, Vasili shtoi se ky institucion duhet ta merrte edhe kryeministrin në pyetje për ngjarjen. “Rama tha që e kishte videon, se e kishte analizuar, se kishte marrë përgjigje për autencitetin e videos. Po pse nuk e thërret Prokuroria si dëshmitar ketë kryeministër me gjithë këto gjëra që di”,– vijoi ai.
a.ç
