Lëvizja Socialiste për Integrim pritet të zhvillojë zgjedhje brenda radhëve të veta.
Sekretari i Përgjithshëm i LSI, Luan Rama tha se partia është në fazën e përgatitjes së modaliteteve për zgjedhjet ku do të përfshihen të gjitha strukturat drejtuese.
“Jemi në fazën që po përgatisim modalitetet për zgjedhjet në LSI. Është përgatitur një projekt për vendim që do t’i kalojë forumeve.
Forumet e LSI do të vendosin si do të ecet më tej me procesin. Votimi do të përfshijë të gjitha strukturat drejtuese të LSI.
Votimi për kryetarin e partisë do jete i fshehte përmes parimit një anëtar një votë Muaji Mars sipas burimeve te pritet te jete muaji zgjedhor në këtë parti”, tha Rama për Ora News.
Duke folur për reformën zgjedhore, Rama tha se “listat e hapura janë një opsion që ofron LSI”.
Burime pranë LSI thanë se zgjedhjet pritet të mbahen në muajin mars, i njëjti muaj kur është thirrur edhe Kongresi i partisë më të madhe të majtë ne vend, PS, e cila për kryetarin ka përcaktuar votëbesim nga delegatët.
