Kreu i Grupit Parlamentar të Lëvizjes Socialiste për Integrim Petrit Vasili i ka cilësuar të vonuara shkarkimet policore në Elbasan duke kërkuar shkarkimin e drejtorit të Policisë së Shtetit Haki Çako. Në një dalje për media, Vasili i ka bërë thirrje organeve të drejtësisë që të veprojnë shpejt duke apeluar që hetimet të nisin nga kryeministri Edi Rama.
Sipas tij, shefi i qeverisë është i implikuar në ngjarje.
“Jemi së bashku për të vlerësuar së bashku situatën e rëndë me të cilën po përballet vendi. Shkarkimet e fundit të bëra në Elbasan duhet të bëheshin dy muaj më parë. Sot ato bëhen për të hequr vëmendjen nga droga që ka përmbytur vendin.
Po i bihet në qafë policëve të thjeshtë dhe të ndershëm duke përzjerë me ata që janë fajtorë.
Është fare e qartë se I shkarkuari i parë duhet të kishte qenë Haki Çako.
Ju pohoj me bindje të plotë se kryeministri shqiptar do të trembej për vdekje nëse shkarkon Çakon. Drejtësia shqiptare duhet të veprojë me shpejtësi të jashtëzakonshme.
Të fillojë hetimi që nga kryeministri i vendit. I duhet të japë përgjigje që një vend i NATO-s ka fikur radarët për t’i hapur rrugë trafikut të drogës,” tha Vasili.
ma.me
