Këshilltarja e LSI-së, Genta Mezini e cila votoi rritjen e çmimit të ujit në Këshillin Bashkiak të Tiranës dhe më pas u përjashtua nga kjo parti, rrezikon mandatin.
Duket se LSI nuk është kënaqur me përjashtimin teksa Lindita Veliasi e renditur e 17 në listën shumëemërrore të këshilltarëve pretendon se mandati është i saji dhe se KQZ e ka anashkaluar në mënyrë të kundraligjshme.
Shqiptarja.com ka siguruar një ankimim që Lindita Veliasi ka depozituar në KQZ dhe në Kolegjin Zgjedhor ku pretendon mandatin, pasi Genta Mezini është e 19 në listë.
KQZ akoma nuk ka sqaruar këtë vendimmarrje, ndërsa Kolegji Zgjedhor hedh shortin për këtë cështje në orën 12:00. /b.d
