Lëvizja Socialiste për Integrim zhvillon sot në Tiranë një miting elektoral. Pas tensioneve të ditëve të fundit mes kësaj force dhe aleatit 4-vjeçar, Partisë Socialiste, kreu i LSI Petrit Vasili deklaroi para mbështetësve të forcës që drejton se vendi duhet të dnahet nga çmenduria. Ai tha se LSI ka plan konkret për të zhvilluar vendin dhe rritur punësimin, ndërkohë të tjerët sipas tij kanë plan drogën dhe oligarkinë.
“Sot është dita e madhe që me planin tonë të shporrim planin e timonit. Është koha të ngremë republikën e të rinjve, jo republikën e re. Ne kemi plan për të gjtihë. Kemi taksa të ulta, kemi të rinjtë të parët. Po të tjerët çfarë kanë? Të tjerët kanë drogën, të tjerët kanë gjobat, të tjerët kanë konçesionet e mëdha. Vendi ka nevojë për autostrada zhvillimi. E vetmja zgjidhje është LSI”, deklaroi Vasili./a.m.
