Në fjalën e tij për reformën në Drejtësi, Petrit Vasili u ndal edhe te letra ku ish-ambasadori amerikan Rajerson i bën thirrje opozitës që të votojë draftin.
Sipas Vasilit, ishte Berisha dhe Rajerson që burgosën e dhunuan opozitën dhe bënë reformën e Plepave.
“Nga Ryersoni nuk presim këshilla për Reformën në Drejtësi, nuk e kemi harruar sjelljen e tij shantazhuese ndaj opozitës së vitin 1992, pasi u bë pro Berishës dhe nxiti rrahjen dhe deri burgosjen e opozitës. Më kujtohet se ishte Berisha dhe Ryersoni që bënë “reformën e Plepave” dhe kjo është një arsye themelore. Ryersoni do të ishte njeriu i fundit që do të jeptekëshilla për Reformën në Drejtësi dhe i pari që duhet t’u kërkonte ndjesë shqiptareve që u dhunoi shpresat për një drejtësi të pakapur. Ky ambasador në vitet e e paskomunizmit, krijoi një rrugë totalitare që kulmoi me vitin 1997. Këshilla do të ishte t’u jepte fund këshillave të tilla të pakripa dhe të pacipa dhe kalimi në qetësi i pensionit do të ishte më e mira se raportet tij me Shqipërinë kanë qënë ogurzeza“ – tha Vasili.
(java / r.a)
