LSI nuk i del e keqja qe ka kaluar ne opozite pas 8 vitesh qeverisja sa me PD e sa me PS. Kryetarja e re e LSI-së, Monika Kryemadhi ka dhënë një mesazh të fortë ndaj kryeministrit Rama ditën e sotme në Elbasan. Në një takim me komisionerët e LSI-së atje ku ajo u zgjodh deputete, Kryemadhi lëshoi edhe një mesazh për Ramën, kur tha se LSI-ja do jetë opozitë dhe do shkulë pushtetin e tij.
MESAZHI
Kjo foto është shkrepur sot gjate takimit që zhvillova me komisionerët dhe numëruesit e bashkisë së Elbasanit. Veç falenderimit, iu shpreha njëkohësisht mirënjohjen e thellë për përkushtimin, vendosmërinë dhe qëndresën në 25, 26 dhe 27 qershor, për ditët dhe netët e lodhshme të kaluara në ruajtjen dhe numërimin e votave për LSI.
Ne lindëm si forcë opozitare dhe si e tillë do të rritemi e forcohemi më shumë e me shpejt, për të qenë syri dhe zëri denoncues i çdo tentative për të kriminalizuar dhe zhytur më keq në korrupsion Shqipërinë.
Ndaj, së bashku, do të punojmë çdo ditë për të qenë alternativa e re, forca që do u japë besim pa kushte të gjithë shqiptarëve për të shkulur nga rrënjët sistemin e oligarkëve të pushtetit që drejtohet nga Edi Rama.
ma.me
